تجىۇ كەڭەسىنە قاتىسۋشىلار 2018 جىلى تەمىرجول كولىگىمەن ەكسپورتتىق, يمپورتتىق جانە ترانزيتتىك جۇكتەردى تاسىمالداۋدىڭ كولەمىن كەلىسۋ جانە ونى قامتاماسىز ەتۋدى ۇيىمداستىرۋ ماسەلەسىن تالقىلادى.
قازاقستان, قىتاي, پولشا, رەسەي, ۆەتنام, مونعوليا, كحدر تەمىرجول اكىمشىلىكتەرىنىڭ وكىلدەرى ەۋرازيالىق قۇرلىقتاعى جۇك تاسىمالى كولەمىن ءوسىرۋ بويىنشا ءوزارا ءتيىمدى قارىم-قاتىناستى دامىتۋ جايىن ورتاعا سالدى.
«مۇنداي حالىقارالىق اۋقىمداعى شارالار حالىقارالىق باعدارداعى تەمىرجول كولىگىمەن تاسىمالداۋعا وڭ ىقپال ەتەدى. سونىمەن بىرگە ەۋرازيالىق كەڭىستىكتەگى بىرىڭعاي تەمىرجول ءتيىمدى العى شارتتارىن جاسايدى. نە دەگەنمەن تجىۇ 28 مەملەكەتتىڭ تەمىرجول اكىمشىلىكتەرىن ءبىر ماقساتقا بىرىكتىرەدى»,-دەيدى «قتج-جۇك تاسىمالى» اق ىقپالداسقان جوسپارلاۋ جانە اقپاراتتاندىرۋ بويىنشا ۆيتسە-پرەزيدەنتى ساعىندىق جۇماباەۆ.
كەڭەس اياسىندا «قتج» ۇك» اق دەلەگاتسياسى قىتاي, پولشا, رەسەي, ۆەتنام, كحدر تەمىرجول اكىمشىلىكتەرى وكىلدەرىمەن ەكىجاقتى كەزدەسۋلەر وتكىزدى.
قىتايلىق ارىپتەستەرىمەن كەزدەسۋ بارىسىندا شەكارالىق ستانتسيالاردا ءبىر مەزگىلدە كەدەندىك رەسىمدەۋ, حالىقارالىق كونتەينەرلەردى قابىلداۋ مەن جونەلتۋ جايلارى كەلىسىلدى. ول ءوز كەزەگىندە ەل اۋماعى ارقىلى وتەتىن كونتەينەرلىك پويىزداردى ماسەلەن, قىتاي ء(ۇرىمشى) – قازاقستان –ورتالىق ازيا\ەۋروپا باعدارىنداعى جولدا ءجۇرۋ مەرزىمىن بارىنشا قىسقارتادى.
تاراپتار بيىلعى جىلى قر مەن قحر اراسىنداعى جۇك اينالىمىن 2017 جىلمەن سالىستىرعاندا 44 پايىزعا, ەكسپورتتىق باعداردى -39 پايىزعا ارتتىرۋدى كوزدەپ وتىر. 2018 جىلى قازاقستان اۋماعى ارقىلى وتكىزىلەتىن كەلىسىلگەن قحر ترانزيتتىك جۇكتەرى 2,3 ەسەگە, قحر كەلەتىن جۇكتەردى 21 پايىزعا ءوسىرۋ جوسپارلانىپ وتىر.
«كەلىسىلگەن جوسپارلار مەن وسى اتقارىلعان شارالار ەكى ەلدىڭ الدىندا تۇرعان تاپسىرمالاردى بارىنشا تەز ورىنداپ تۇراقتى ءارى ءتيىمدى سەرىكتەستىكتى دامىتۋعا باعىتتالعان»,-دەيدى قىتاي تەمىرجولىنىڭ حالىقارالىق قاتىناستار دەپارتامەنتىنىڭ ءبولىم باستىعى ۆان گوتسزيۋن.
«قتج» ۇك» اق دەلەگاتسياسى كەڭەس كەزىندە پولشا كولىك مينيسترلىگىندەگى ارىپتەستەرىمەن, PKP Cargo كومپانياسى وكىلدەرىمەن كەزدەسىپ, قىتاي-ەۋروپا-قىتاي باعدارىنداعى كونتەينەرلىك پويىزداردى جاساقتاۋ بولاشاعىن تالقىلادى. سونىمەن قاتار برەست-مالاشەۆيچ شەكارالىق وتكەلىنىڭ وتكىزۋ الەۋەتىنە قاتىستى جانە پولشا, بەلورۋس ەلدەرىنىڭ شەكارالىق وتكەلدەرىمەن بالاما نەگىزدەگى باعدارلاردى دامىتۋ قاراستىرىلدى.
كەڭەس وتىرىسىنا قازاقستان, قىتاي, پولشا, رەسەي, ۆەتنام, مونعوليا, كحدر تەمىرجول اكىمشىلىكتەرى, سىرتقى ساۋدا ۇيىمدارى, كولىك-لوگيستيكالىق كومپانيالارىنىڭ وكىلدەرى قاتىستى.
كەڭەس قورىتىندىسى بويىنشا حاتتاماعا قول قويىلدى.
تجىۇ-نىڭ كوميسسياسى كەڭەسىنىڭ كەزەكتى وتىرىسى 2019 جىلى اقپان-ناۋرىز ايلارىندا ۆەتنامدا وتكىزىلەتىن بولدى.
